طريقة سهلة وجديدة لشوي الطير من غير شواية

مساء الورد والياسمين

السلام عليكم ورحمة الله وبركاته .......

حبيت اشارك بهالطريقه الرائعه لشوي الطيور بدون ادوات شوي وبدون اي تعب

وهي طريقه تحافظ على نكهة الطير وتجعله لين وتحتفظ على الفوائد الغذائيه بالطيور ولذيذه جدا

وكمان اقتصاديه

الطريقه بالترتيب

1- اشعل كميه من الفحم واتركه حتى يحمر
2-ابعد الفحم على جنب واحفر تحت مشب الفحم حفره 10 سم عشره سنتمتر فقط
3-احظر صيدك من الطيور ولاتنتفه ولاتغسله ولاتشيل امعائه كله مع بعض .... هذا اللي يبون الشباب
4-ضع الطيور على شكل صف في الحفره التي حفرتها ولاتضع بهارات ولاملح ولاشئ
5- ادفن الطيور بالحفره
6- افرش الفحم فوق الحفره التي دفنتها وبها الطيور
7- ضع براد الشاي ودلة القهوه فوق النار وسو شاي وزيد سكره اشوي واحكره وانبسط يا عم
8- اذا خلص براد الشاهي ودلة القهوه شيلهم وزيح الفحم وطلع صيدك

راح تتفاجئ من المنظر راح تظن ان الصيد لم يستوي لانك سوف ترى الريش على حاله لم يتغير كانه نيئ ولكن اسحب الريش سوف ينصلخ بسهوله وسوف ترى اللحم مستوي ومحمر على كيف كيفك

9-ضع ملح حسب رغبتك

واخيرا تمتع بطيب اللحم والشوي اللي عمرك ماراح اذوق احسن منه وخصوصا مع براد الشاهي المحكور وسكره زياده ....... وبالعافيه واكل وادعوا لي

وهذي الطريقه تصلح مع جميع انواع الطيور .....وشكرا للجميع

بالهناء والعافية ((( منقول )))